Վնասվածք կամ անհամապատասխանություն
Ստանալիս ստուգեք զարդն ու փաթեթավորումը։ Վնասվածք, թերություն կամ պատվերին անհամապատասխանություն նկատելու դեպքում տեղեկացրեք մեզ՝ ուղարկելով պատվերի տվյալները և խնդիրը ցույց տվող նկարները։ Դիմումը կդիտարկենք և կհամաձայնեցնենք հետագա քայլերը՝ կիրառելի իրավունքների պահպանմամբ։
Վերադարձի կամ փոխանակման հարցում
Մինչև զարդը հետ ուղարկելը կապվեք SEVAD-ի հետ՝ փոխանցման եղանակն ու հասցեն ճշտելու համար։ Պահպանեք վճարման կամ պատվերի հաստատումը, փաթեթավորումն ու զարդին ուղեկցող պարագաները։ Վերադարձի կամ փոխանակման հնարավորությունը գնահատվում է ապրանքի տեսակից, վիճակից և դիմումի հիմքից ելնելով։
Ապրանքի վերադարձ
Ապրանքի վերադարձը կարող եք իրականացնել 14 օրվա ընթացքում։ • Ապրանքը պետք է լինի չօգտագործված և բնօրինակ փաթեթավորմամբ։ • Պահպանեք բոլոր պիտակները և փաստաթղթերը։
Ապրանքի փոխանակում
Ապրանքի փոխանակումը կարող եք իրականացնել 14 օրվա ընթացքում։ • Արժեքի տարբերության դեպքում կատարվում է հավելավճար կամ փոխհատուցում։
Անհատական պատվերներ
Ձեր հատուկ պահանջներով պատրաստված կամ անհատականացված, պատշաճ որակի զարդի վերադարձի հնարավորությունը սահմանափակվում է կիրառելի օրենսդրությամբ և առանձին համաձայնեցված պայմաններով։ Սա չի վերացնում թերության կամ հաստատված պատվերին անհամապատասխանության դեպքում ձեր իրավունքները։
Պատվերների չեղարկում
Պատվերի չեղարկում մինչ արտադրությունը. Դուք կարող եք չեղարկել անհատական պատվերը և ստանալ վճարված գումարի 100% վերադարձ մինչև 3D մոդելի/նախագծի վերջնական հաստատումը և արտադրության փուլ անցնելը:
Արտադրության փուլում. 3D մոդելի հաստատումից և արտադրության ընթացքը սկսվելուց հետո պատվերի չեղարկման դեպքում վերադարձվում է գումարը՝ հանած արդեն կատարված նախագծման/արտադրական ծախսերը:
Ավարտված անհատական ապրանքի վերադարձ. Համաձայն ՀՀ օրենսդրության՝ պատշաճ որակի անհատական պատվերով պատրաստված ապրանքները (որոնք պատրաստվել են սպառողի հատուկ պահանջներով կամ ունեն անհատականացված հատկանիշներ) վերադարձման կամ փոխանակման ենթակա չեն, եթե դրանք չունեն արտադրական թերություն:
Վճարի վերադարձ
Հաստատված վերադարձի դեպքում գումարի վերադարձի եղանակն ու ընթացքը կհամաձայնեցնենք ձեզ հետ՝ հաշվի առնելով վճարման ծառայության ընթացակարգերն ու կիրառելի ժամկետները։ Պատվերը չեղարկելու ցանկության դեպքում հնարավորինս շուտ կապվեք մեզ հետ։